今日係我入咗呢間公司做第十年……….咁就十年!! 人生有幾多個十年 : )

今日Willy同奶奶带琳琳去打水痘針,去到診所佢都知知地發生咩事,望住D姑娘走來走去,當然有大喊啦!

放工返到嚟見到佢'謝謝'地,又有D流鼻水同咳,打完針又有機會發燒,同埋出少許痘..........好可憐!

Willy聽日開始返廣州至月尾先返!

由十月份開始我已經安排自己十一月份只係需要返一個星期六工,因為預計十月同十一月係D幼稚園派表同interview嘅高峰期,加埋而家每個星期六下午要帶琳琳去返gym,僅餘今個星期六安排比自己冼牙,之後都係帶琳琳返gym............

十一月已經有兩個星期六有booking,仲有兩個婚宴,未計嚟緊仲有interview,為免琳琳打完針會唔舒服,而又要響返學前完成打針活動,今個月又多樣嘢忙,如果大家響十一月份有咩約會請早通知...唔該哂!!

原本昨日同琳琳約左去健康院打肺炎連球菌针,但因为唔係医生或者姑娘打,我地怕带有不必要痛楚比琳琳,我地最後決定同琳琳去私家打,原来之针都幾勁,姑娘話可能會發烧同好'文憎',暂时無發烧,但成晚搂計.......每次打针都好鬼心痛!

今早七點媽咪打嚟話佢去醫院,因為婆婆應該............跟住我同Willy起身刷牙洗面開車去志蓮靜苑接媽咪,因為媽咪去咗幫婆婆拿身份證,然後我地就去QE,不過婆婆七點幾已經走咗,去到見下佢,媽咪話昨晚去同佢抹身都無哂知覺,叫佢都唔應,早幾日見佢都好辛苦,佢都捱多五日,見埋佢想見D人,不過佢都九十幾啦..............婆婆,安心上路啦!!