今年端午節我都有份食糉，婆婆D糉超好味，而我哋亦返咗公公屋企做節。

  嘩…好多餸

太平天國幫，追隨四奶奶

好味，甘笋萍果，大家下次可以去卓悦買呢款果汁比我，多謝先！

昨日媽咪公司有嘢做，所以五點半先收工，跟住我哋同工人姐姐一齊去咗海洋公園，因為HSBC包咗夜場，契媽Chloe比3張免费飛我哋，原本好眼瞓嘅我，見到彩色嗰个大氣球，好興奮，最後响回程嗰程纜車……zzzz……zzzzzz……zzz…….

  Thank you “HSBC”

响海洋劇場有段小插曲，就係有人當眾跪地求婚，咁多人實成功啦，可能個哥哥無乜信心先响咁多人面前做呢樣嘢，無得”say no”!

近排有D人問我仲乜唔寫blog?其實平日放工我仲有份兼职，就係返到屋企湊琳琳。首先呢份Part Time時間大約返七點，因為我放工返到官塘後有時要買吓琳琳D日用品，好似尿片呀、濕纸巾…試乎有咩用完，跟住會經過街市旁邊，有時會睇吓D水果，提子、萍果、士多啤梨…都係佢鍾意食嘅，所以返到去已經七點。一入門口琳琳有時會攞我買咗D嘢睇吓，而我就換衫洗手，同佢玩一陣大家一齊食飯，佢又食得慢，食飽差唔多八奌幾，有時落街行吓，又或者同佢响屋企玩吓，九點左右要冲多一次凉，佢而家好叻，知道要準備冲涼，佢會自己去厕所開柜攞梘液及洗面盆，然後攞去我哋房嗰個厕所，再搬好張櫈仔等我，又會幫手‘查’梘液，叫佢‘第’高脚冲水佢又知，冲完最後自己倒水，然後又到我自己冲涼。九點半左右食吓水果，又同佢玩吓，十點幾要拍佢瞓，所以我要等佢瞓咗先可以做自己嘢…幾鬼忙呢！

呢份工全年無休，工人放假我仲要OT添，無雙粮，無花紅，仲拖欠薪金至廿幾年……但係佢識叫我“媽媽”！

星期五晚爹D約咗Clarence姨姨同Jason叔叔食飯，今次仲係我哋第一次見小Jason，佢已經半歲啦，爹D買咗份禮物半年先送到比佢！

跟住昨日就同Sherman契媽預祝生日，我哋去咗食齌，呢間嘢都幾好味，連爹D唔係好鍾意食齋都話唔錯，下次可以帶公公婆婆嚟試吓！

Sherman契媽同Ken契爺

預祝你生日快樂，有個開心嘅旅行

至於今日，因為婆婆包咗糉，所以我哋要返去攞，嘩…婆婆D糉越嚟越有水準，超好味，我都有份食，爹D媽咪加埋我食咗兩隻。

早兩日Fanny姨姨又送件大D嘅泳衣比我，今次啱身好多…Thank You!

今日爹D去咗廣州，食完飯媽咪就幫我冲凉，因為我大汗，而家每日都冲兩次凉，通常夜晚都會係媽咪同我冲嘅，但今晚媽咪讚我叻，因為當媽咪準備嘅時候，我自己入咗厕所打開個柜，攞咗兩支我冲凉嘅梘液同洗頭水，跟住搬好櫈仔等媽咪…哈哈…冲親涼我都唔想出番嚟，我好鍾意玩水！

昨日去咗探爹D嘅朋友Cecilia姨姨，因為佢生咗個BB-Wesly ，我仲摸佢隻手仔，昨日有大中細小朋友，大小朋友兩歲，中小朋友係我，細小朋友係Wesly仔，雖然佢而家滿咗月，但佢亦成為哥哥啦…因為爹D班朋友入面Philip叔叔同Annie姨姨早排亦生咗囡囡，Philip叔叔即係爹D媽咪結婚時其中一個兄弟，Annie姨姨就係彈琴嗰個…恭喜哂！

willy & wesly

今朝七點起身，食完奶見到盒餅，要媽咪攞比我，之後…發住夢食！但係媽咪影完我之後，同我一齊继续瞓！

哈哈…媽咪放完假今日返工，佢收到同事送比佢嘅生日禮物…嘻嘻…原來係送比我嘅，多謝Fanny 姨姨，不過我生日係12月呀，即係早Fanny姨姨一個月之嘛，如果佢行開睇禮物比自己時，順便諗起吓我就好lu！

媽咪一返屋企衫都未換，就捉我試呢件泳衣，但我一日除咗正常五餐之外，仲有十幾餐唔正常呢，所以我好努力嘗試，但係…唯有放上面交代吓，唔知可唔可以換呢？

今日爹D去咗廣州，媽咪依然可以寫blog。好多人都關心我嘅病情，我已經無發燒，而家食埋D抗生素就搞掂，食咗好耐葯啦！

我而家蓍梗D衫係咁嘅size

媽咪之前買咗對同我一樣嘅鞋

有無搞錯，姐姐放假要我自己晾衫

都係留番佢返嚟做，走先

今日係我同媽咪渡過嘅第二個母親節，工人姐姐仲要放假添，搞到媽咪今日要服待我，我好唔捨得媽咪聽日要返工，因為我成日都‘痴’住佢…祝大家母親節快樂！！

由於爹D買咗部新電腦，所以就算爹D唔响香港，媽咪都有電腦可以update相同寫blog…GOOD!!

仲有兩日媽咪嘅長假期就完啦，除咗媽咪唔捨得之外，我都好唔捨得，因為而家每朝起身都有媽咪陪住我，唔知幾時再放假呢？

今日我哋去咗迪迪尼行吓，真係行吓咋，因為爹D媽咪驚我太攰，所以只係去咗三個鐘，之後就去咗婆婆屋企食飯，同埋表妹玩囉…

  Hi

食D咩？

Mickey，跟我返屋企囉

Amanda姐姐，每次都要影呢張相比你，不如下次一齊去啦

今日係公公嘅農曆生日，澳門就去唔成，所以爹D同媽咪就同公公去食buffet，呢間酒店好好味架，又多嘢食，下次媽咪話會同我去喎，今次因為我病所以無得去…仲有舅父嘅朋友，関氏伉俪同埋佢哋嘅仔仔，我今次無得一齊玩，好可惜。

木糠布甸，正

而公公昨日嚟探病，佢知我鍾意食士多啤梨，專登買咗D勁大粒比我…嘩…好味

生日快樂，公公！下年一定同你慶祝！

昨日琳琳斷斷續續都有發燒，我哋要幫佢塞虹就稍為退燒，葯力一過佢又燒，今朝五點我幫佢探熱，又燒到39度，又再塞虹，因為佢要食抗生素，所以就出現輕微肚瀉…

今日原本諗住去一陣迪士尼，因為平日會少人D，結果都係取消lu。

昨晚四點，我幫琳琳探熱，佢燒到39度，我叫醒Willy然後帶佢去醫院睇醫生，醫生話佢中耳炎，我哋仲買埋麥記早餐，而家佢食咗葯，我哋準備…zz….zzzzzz………zzzzz….

昨晚我醒咗好多次，無乜瞓！

切旦糕…

今日嘅心情又起又跌，因為我哋今朝見琳琳滚滚地，探吓熱37度幾，比佢食退燒葯，預約咗個兒科專科醫生下午三點九，醫生話38度先算發燒，檢查哂佢肚仔、耳仔、鼻仔、喉嚨都無事，只係少少鼻水，結果我哋就決定明天如常去澳门，仲通知埋我老豆同細佬，但返到屋企食药時探吓熱…38度幾…所以我亦無出街食飯，成晚keep住量體温，雖然Willy訂咗個我至鍾意食嘅栗子拿破侖，但到而家都未切旦糕…我嘅生日願望就梗係琳琳快D好番，身体健康！

我的晚餐

今日係我生日，但我過咗一個從來未試過咁唔高興嘅生日，我唔想再提，千祈唔好問我，今日我會叫自己開心D…D嘢去平衡吓先…

另外原本今日嘅慶祝活動-同米奇有個約會，仲有聽日嘅同威尼斯人打麻雀，我仲訂咗自助山buffet，全部都要取消？？因為我嘅寶貝發燒…吓…豬流感？我昨晚問Willy如果要隔離，琳琳自己一個人隔離呀？佢點食嘢？Willy話我諗多咗，要隔係全家一齊隔架！

今日爹D同媽咪帶咗我去沙灘玩沙，而爹D就可以昅比堅尼姐姐，我哋下午出發去咗淺水湾，媽咪買咗玩沙D工具比我…嘩…好玩呀！

  出發啦…天朗氣清

左‘不’右‘不’，點解無金沙

跟住去咗赤柱，一泊好車隔離就有個公園…good…又玩！

之後就行吓市集，勁多BB衫賣，但我太多衫啦，媽咪忍手無買，而買咗$45得11粒嘅士多啤梨比我食。

我似唔似遊客

又似唔似日本妹

吋唔吋呀

然後就返咗公公屋企食飯。

喂…Hello…Rachel speaking…媽咪，出咗去喎

又响

又係你，都話媽咪唔响度

三缺一，我頂住先啦

聽日係媽咪生日，爹D買咗半打東海壽包，好好味

今日琳琳無出街，而我上午就去咗做Facial，跟住就陪Willy去咗深水埗買電腦嘢，然後我哋去咗銅鑼湾行街，但無收获。

而家講到好似周圍都買唔到口罩同酒精用品，但我發現旺角周街都買到，又唔貴，早知昨日我唔洗咁貴$28買一支啦！

今日媽咪D好朋友同媽咪預祝生日，而媽咪就選擇咗食日本嘢，下午佢哋嚟咗我哋屋企打麻雀，之後夜晚去咗尖沙咀‘大吉’食放題，嘩…不得不提媽咪話個魚生飯超好食，仲有個好靚好特别嘅壽司蛋糕…多謝哂咁多位同媽咪慶祝。

  林氏伉俪、勞契爺、琼契媽、鳳姨姨

花老爺、花師奶

今年做媽咪，恭喜哂

要我食哂D手卷

超好味

今日係假期第二日，亦係媽咪嘅農曆生日，中午我哋就同咗公公婆婆食齌，跟住去尖沙咀行吓，當然有去玩具反斗城玩啦，之後就返咗公公屋企。

出發前

開餐啦

乜無雨落咩

我細個時都有呢個玩具，而家比咗人，好懷念

你咁高嘅？係咪食你呢款奶粉會快高長大呀

載你一程呀…靚仔

三眼仔，走圍走，仲捉你唔到

Happy Birthday to Mommy

Happy Birthday to me

許個願，吹爉燭先

今日係十日假期嘅第一日，我哋去咗荃湾同沙田行街，大出血呀…收穫就我同媽咪都有。

Grandma, i love u

  Daddy & Mommy, i love u

Mommy, I love U

我嘅收穫

媽咪買咗千幾蚊嘢，太大洗啦